Կիմա տատն «անտեր բիլազուկ»-ից է բողոքում, իսկ դատարանը որոշումից 6 օր հետո է գործը գրասենյակ հանձնում. Ռուբեն Մելիքյան

Փաստաբան Ռուբեն Մելիքյանը բարկացած գրառում է կատարել գյումրեցի Կիմա տատիկի գործի վերաբերյալ.

«Ուրեմն եսիմ երբ բողոք եմ տարել վերաքննիչ հակակոռուպցիոն դատարան՝ խնդրելով «Տատիկների գործով» իմ պաշտպանյալ Կիմա տատիկին ազատել ոտի բռասլետից։ Երբ հետը խոսում եմ՝ լացում ա ու էդ «անտեր բիլազուկ»-ից ա բողոքում։ Հետևաբար շատ հետևողականորեն շուտ-շուտ զանգում եմ դատարան ու փորձում եմ հասկանալ՝ ինչ էղավ բողոքիս հետ։

Բողոքս եսիմ երբ մակագրվել էր դատավոր Ժենյա Մելիքսեթյանին։ Ու ահա էսօր ստանում եմ ինքնաբացարկի մասին որոշում՝ ԿԱՅԱՑՎԱԾ ԱՊՐԻԼԻ 30-ին։ Որոշման հետ համաձայն չեմ, բայց դա էական չի։

Էականն էն ա, որ ջղայնացած զանգում եմ դատարանի գրասենյակ՝ իմանամ ում են վերամակագրել բողոքս, պարզվում է՝ ԳՈՐԾԸ ՄԻԱՅՆ ԱՅՍՕՐ են հանձնել գրասենյակ - որոշումից 6 օր անց։

Բա դա էղավ ճի՞շտ։ Օրենքը՝ մի կողմ։ Բա մարդկայի՞ն գործոնը։ Չգիտեմ՝ ոնց ա պետք անել, բայց ինչ-որ ձևով պետքա ստուգել դատավորի բոլոր թեկնածուների մարդկային գործոնը։ Առանց դրա՝ արդար դատական համակարգ երբեք չենք ունենա»։