Ռուսաստանը և ԵՄ-ն արաբներին և իսրայելցիներին ուղիղ բանակցություններ սկսելու կոչ են արել
Աշխարհ
Ռուսաստանը և Եվրոպական Միությունը կոչ են արել Իսրայելին և Պաղեստինին ուղիղ բանակցություններ սկսել մերձարևելյան հակամարտության երկարատև կարգավորման նպատակով. հայտնում է RBC.ru-ն:
«Ռուսաստանն ու ԵՄ-ն համոզված են, որ ժամանակն է կոնկրետ և հստակ քայլեր ձեռնարկել իսրայելցիների և պաղեստինցիների միջև խաղաղության հաստատման համար: Կողմերը պետք է ուղիղ բանակցություն սկսեն՝ առանց նախնական պայմանների՝ պաղեստինա-իսրայելական հակամարտութան երկարաժամկետ կարգավորման նպատակով»,-նշվում է Ռուսաստանի արտաքին գործերի նախարար Սերգեյ Լավրովի և ԵՄ արտաքին գործերի բարձր ներկայացուցիչ Քեթրին Էշթոնի համատեղ հայտարարության մեջ, որը ներկայացվել է դեկտեմբերի 21-ին Բրյուսելում կայացած Ռուսաստան-ԵՄ գագաթաժողովի արդյունքում:
Հիշեցնենք, որ պաղեստինցիները հրաժարվում են վերսկսել Իսրայելի հետ բանակցությունները, որոնք ընդհատվել էին մոտ երկու տարի առաջ, այնքան ժամանակ, մինչև Թել Ավիվը չդադարեցնի Հորդանան գետի արևմտյան ափին և Արևելյան Երուսաղեմում բնակավայրերի կառուցումը:
Իսրայելն իր հերթին պատրաստ է վերսկսել բանակցություններն առանց որևէ նախնական պայմանների:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
