ԱՄՆ-ն կհանի Ռուսաստանին ծովահենության դեմ պայքարող երկրների ցանկից

ԱՄՆ-ն քննարկում է Ռուսաստանին հանելու հնարավորությունն այն երկրների ցանկից, որոնք ոչ բավարար միջոցներ են ձեռնարկում ինտելեկտուալ սեփականության իրավունքի խախտման դեմ պայքարում. այս մասին նշվում է ՌԴ-ի ԱՄՆ-ի՝ այս ոլորտում համատեղ գործողությունների փաստաթղթում:

Նշենք, որ դեկտեմբերի 21-ին ԱՄՆ-ի առևտրային ներկայացուցչի գրասենյակը հայտնել էր, որ Մոսկվան և Վաշինգտոնը համաձայնեցրել են համացանցային ծովահենության դեմ պայքարի և ինտելեկտուալ սեփականության իրավունքի պաշտպանության գործողությունները, ինչպես նաև պայմանավորվել ակտիվացնել համագործակցությունը 2013 թվականին:

Փաստաթուղթը ենթադրում է նաև իրավունքի խախտմամբ համացանցում տեղադրված նյութերի որոնման և լիկվիդացման համար միջոցառումներ, ինչպես նաև պատասխանատու անձանց պատասխանատվության ենթարկման համար միջոցառումներ, ինչպես նաև իրավատերերի և իրավապահ մարմինների համակարգմանն ուղղված քայլեր. հայտնում է РИА Новости-ն: ՌԴ-ն և ԱՄՆ-ն արդեն պայմանավորվել են անցկացնել համատեղ «հակածովահենային» ստուգումներ ձայնա և տեսանյութերի արտադրման, ինչպես նաև ծրագրային ապահովման կրողների ֆաբրիկաներում, մշակել մի շարք քայլեր լիցենզավորված արտադրանքի տեխնոլոգիական պաշտպանության, ինչպես նաև պարբերաբար ստուգումներ կազմակերպել առևտրային կետերում և պահեստներում՝ ծովահենային արտադրանքի հայտնաբերման և ոչնչացման նպատակով: