Վրաստանում ԱՄՆ դեսպանատունը հայտնել է Թբիլիսիում ռումբի սպառնալիքի մասին

Վրաստանում ԱՄՆ դեսպանատունը նախօրեին նախազգուշացրել է իր քաղաքացիներին Թբիլիսիի երեք առևտրի կենտրոններում ռումբի սպառնալիքի մասին։ Այս մասին գրում է ՌՒԱ Նովոստին։

Դեսպանատունն ԱՄՆ քաղաքացիներին խորհուրդ է տվել, մասնավորապես, խուսափել East Point Shopping Mall, Galleria Tbilisi Shopping Mall, Tbilisi Shopping Area առևտրի կենտրոններ այցելելուց:

«Խնդրում ենք տեղեկացնել, որ ԱՄՆ դեսպանատունն իմացել է Թբիլիսիի երեք առևտրի կենտրոններում ռումբի սպառնալիքների մասին. Մինչև հետագա ծանուցումը, մենք լրացուցիչ տեղեկատվություն կտրամադրենք, երբ դրանք հասանելի դառնան», - ասվում է դեսպանատան հաղորդագրության մեջ, որը տեղադրված է իր կայքում:

Իր հերթին, Վրաստանի Առաջին ալիքը հայտնել է, որ «պետական ​​անվտանգության համապատասխան ծառայություններն աշխատում են հերթական կեղծ հաղորդման վրա»:

Վրաստանի պետական ​​անվտանգության ծառայությունն իր հերթին ԱՄՆ դեսպանանը կոչ է արել զերծ մնալ համապատասխան գերատեսչությունների հետ չհամաձայնեցված հայտարարություններ տարածելուց։