Եվրահանձնաժողովը Samsungին մեղադրել է մենաշնորհության մեջ

Եվրահանձնաժողովը կարծում է, որ Samsung-ը շատ հեռու է գնացել Apple-ին վնասելու իր ցանկություններում. գրում է Korrespondent-ը:

Կորեացիների որոշումը՝ դիմել եվրոպական հակամենաշնորհայիններին՝ պահանջելով դադարեցնել իրենց հակառակորդի մի շարք սարքերի վաճառքը, կարելի է մեկնաբանել որպես օրենսդրության խախտում:

Դեկտեմբերի 21-ին Եվրահանձնաժողովն իր պաշտոնական հայտարարութւան մեջ պարզաբանում է, թե ինչու Samsung-ն իրավունք չուներ ձգտել Apple-ի սարքավորումների վաճառքի դադարեցմանը Ֆրանսիայում, Գերմանիայում և Իտալիայում: Եվրահանձնաժողովը նշել է, որ Samsung-ի գործողությունները վնասում են ոչ միայն Apple-ին, այլև շուկայի ազատությանը:

Հիմնական պատճառը պատենտային նմուշներն էին, որոնք կորեացիների կարծիքով խախտվել էին: Դրանք բոլոր բջջային հեռախոսների արդյունաբերության մեջ առանցքային հանդիսացող տեխնոլոգիաներն են, որոնք Samsung-ը համաձայնվել էր կիսել սեկտորի բոլոր ընկերությունների, այդ թվում՝ Apple-ի հետ:

Եվրահանձնաժողովը կարծում է, որ այս դեպքում կորեական ընկերության որոշումը Apple-ի սարքավորումների վաճառքը դադարեցնելու մասին գնահատվում է որպես մենաշնորհային:

Նշենք, որ Samsung-ն արդեն հրաժարվել է հակառակորդի սմարթֆոնների վաճառքը արգելելու իր ձգտումներից: