Իրանը Բելոռուսից կարող է գնել C 300 հակահրթիռային միջոցներ

Իսրայելը անհանգստացած է, որ Բելառուսը կարող է Իրանին մատակարարել C-300 հակահրթիռային պաշտպանիչ միջոցներ: Այս մասին հաղորդում է Ino-Pressa լրատվական գործակալությունը` հղում կատարելով գերմանական Der Spiegel պարբերականին:

Բելոռուսական հակահրթիռային միջոցները կարող են պաշտպանել Իրանի ատոմային կայանները իսրայելական և ամերիկյան հրթիռներից:

Իրանը մշտապես ցանկանում էր գնել այդպիսի միջոցներ Ռուսաստանից, սակայն բոլոր փորձերը ապարդյուն էին անցնում: Բելոռուսն էլ իր հերթին որոնում է նոր եկամուտների աղբյուրներ` հատկապես հաշվի առնելով նախագահ Լուկաշենկոյի հայտարարությունը՝ «Բելոռուսը և Իրանն ունեն միանման աշխարհայացքներ»: