Երկուշաբթի թեժ է լինելու․ Գեղամ Մանուկյան

ԱԺ «Հայաստան» խմբակցության պատգամավոր Գեղամ Մանուկյանը ֆեյսբուքյան էջում գրում է․
«Հայրենիքը սակարան չէ, ծառայությունը բոլորիս պարտքն է։

Այս օրերին մեծ աղմուկ բարձրացրած «փրկագնով» բանակից ազատվելու մասին օրենքի նախագիծը երկուշաբթի վաղ առավոտյան, ժամը 9։00 քննարկվելու է ՀՀ ԱԺ Պաշտպանության եւ անվտանգության հարցերի մշտական հանձնաժողովում։

Պատրաստվում եմ այդ անկյունադարձային նիստին։ Ամեն ինչ պետք է անենք, որ՝
հակասահմանադրական օրենքը չընդունվի։ Սրանով չփլուզվի մեր պաշտպանական, անվտանգային համակարգը։

Հայրենիքը չդառնա փող, փողատերը՝ «արտոնյալ», շինականը՝ պարտավոր։ Մանրակրկիտ, փաստարկներով պատրասվում եմ հապշտապ հրավիրվելիք նիստին՝ հանուն մեր Երկրի, ապագայի, Զինված ուժերի, մեր հազարավոր նահատակների ու այս պահին Հայրենիքի առաջ, դժվարին պայմաններում իրենց պարտքը կատարող ու բոլորիս խաղաղությունն ապահովող դիրքապահի։

Երկուշաբթի թեժ է լինելու։ Հետեւեք նիստին։

Լուսանկարն երկու տար առաջ լուսահոգի ընկերս՝ Մհեր Սահակյանն էր արել ՀՀ ԶՈՒ ամենաբարձրադիր մարտական հենակետերից մեկում, ուր հերթական այցի ժամանակ ճաշ պատրաստեցի ու արդեն 2 ամիս այդ դիրքում հերթապահող զինվորների հետ միասին ճաշեցինք։ Հպարտ էի նրանցով ու պայքար նաեւ հանուն նրանց ծառայության։ Կհանդիպենք»։