Այսօրվա դրությամբ Փաշինյանը վայելում է ԱԺ 71 պատգամավորի վստահությունը, թիվը սրընթաց կերպով իջնում է․ Ղազարյան

2025 թվականի հունիսի 9-ի դրությամբ Նիկոլ Փաշինյանը վայելում է Ազգային ժողովի 71 պատգամավորների վստահությունը։ Այս մասին Ֆեյսբուքի իր էջում գրել է ՀՀ արտակարգ դեսպանորդ եւ լիազոր նախարար, հասարակական-քաղաքական գործիչ Էդգար Ղազարյանը։

 

«Մի քանի ամիս առաջ այդ թիվը 107 էր, հետո դարձավ` 105, շաբաթ օրվա դրությամբ դարձավ 99, իսկ հիմա արդեն 71: Թիվը ոչ միայն նվազում է, այլ սրընթաց կերպով իջնում։ Ընդամենը 18 պատգամավորի խելամիտ, Սահմանադրության և օրենքների պահանջներից բխող որոշման արդյունքում մենք կհասնենք բաղձալի թվին և արդյունքն։

 

Իմպիչմենտ լինելու է։

 

Նիկոլ Փաշինյանը հեռացվելու է սահմանադրական ճանապարհով, խաղաղ, անարյուն։

 

Մեկ ամիս առաջ այսօրվա իրականությանը ոչ ոք չէր հավատում։

Որոշները դեռ չեն հավատում այն իրականությանը, որ գալու է առսջիկայում»։