Տարազների էսքիզների մրցույթի հաղթողները հայտնի են

ՀՀ մշակույթի նախարարությունը ս. թ. հունիսին հայտարարել էր ազգային և ժողովրդական պարային համույթների տարազների էսքիզների մրցույթ:

Հրավիրված մասնագիտական հանձնախումբը Ռուբինա Հովհաննիսյանի /թատրոնի և կինոյի նկարիչ, Մովսես Խորենացի մեդալակիր/ գլխավորությամբ դեկտեմբերի 21-ին քննարկել է ստացված էսքիզների առաջարկները:

Հանձնաժողովի որոշմամբ առաջին մրցանակը շնորհվել է նկարիչ-ձևավորող Լուսինե Կոստանյանի ներկայացրած տասներեք աշխատանքներից ըստ հեղինակի թվագրած ցանկի՝ տասնմեկերորդին /350,0 հազար դրամ/: Երկրորդ մրցանակը շնորհվել է նկարիչ-ձևավորող Սահակ Մուրադյանի ներկայացրած երեք էսքիզներից՝ առաջինին /250,0 հազար դրամ/: