Ա՜խ, ինչ սիրուն բան է քաղաքականությունն ու որքա՜ն դաժան․ Ալեն Սիմոնյան
Հրապարակումներ
Եվս մի խորհուրդ, որը ոչ մեկ չի լսելու, բնական է, քանզի փառասիրությունն ամենատարածված մեղքերից է: Այս մասին Տելեգրամի իր ալիքում գրել է ԱԺ նախագահ Ալեն Սիմոնյանը՝ հավելելով․
«Բայց ասեմ, որ հետո չասեք, թե չեմ ասել: Քաղաքականության մեջ վաղուց մի շատ տարածված բան կա, երբ «կլիենտին» ոգևորում ես և փուռը տալիս՝ ընթացքում քո նեղ շահը սպասարկելով, նա էլ, կուլ գնալով փառասիրությանը, գնում է այդ ճանապարհով և, տլփ, ընկնում ձորը:
Նրան ասում են, որ հեսա, տե՛ս, տասնյակ հազարներով մարդիկ քո անունն են գոռում, իրականում մարդիկ քեզ են սիրում, ուզում, տենչում, պետք է մի քիչ էլ` ու ամբողջ աշխարհը քո ոտքերի առաջ կլինի ու սենց շարունակ...
Սա էլ մեր այդ ամենին, հեքիաթին հավատում է` չնկատելով, որ Քոչարյանը, Սերժը, դաշնակը, լրագրողը և նույնիսկ սկսնակ բլոգերն ուղղակի այս հարիֆին թելով տանում են մատաղ անելու` իրենց նեղ, այդ պահին գոյություն ունեցող նպատակի համար:
Ա՜խ, ինչ սիրուն բան է քաղաքականությունն ու որքա՜ն դաժան նրանց համար, ովքեր իրենց դասերը չեն սովորում»:
ՈՒՂԻՂ ԵԹԵՐ
Ամենադիտված 
Իրանը փակեց Հորմուզի նեղուցը, սա նավթի շուկայում համաշխարհային ճգնաժամ է առաջացնելու․ քաղաքագետ 
