Նպատակը պարզ է՝ զրկել Իրանին փորձառու դիվանագետներից և մասնագետներից․ Վարդան Ոսկանյան

Իրան-Իսրայել այս պատերազմի ընթացքում իսրայելցիներն արդեն իսկ թիրախավորել և սպանել են մի շարք իրանցի ֆիզիկոս-գիտնականների։ Այս մասին գրել է իրանագետ Վարդան Ոսկանյանը։

«Նպատակը պարզ է՝ Իրանին զրկել այնպիսի մասնագետներից, որոնք կարող են գիտական ներուժի հիման վրա միջուկային տեխնոլոգիաներ զարգացնել։

Իսրայելը հարվածել է Իրանի ԱԳՆ շենքին, որը վնասվել է, սակայն զոհերի մասին հաղորդագրություն այս պահի դրությամբ չկա։

Նպատակը նույնպես պարզ է՝ զրկել Իրանին փորձառու դիվանագետներից, որովհետև միջուկային ծրագիր ունենալու իրավունքը պաշտպանող հաջող դիվանագիտությունը ոչ պակաս կարևոր է, քան այդ ծրագիրը գիտականորեն առաջ մղելը»,-գրել է նա։