Պետությունների ցանկը՝ ըստ տնտեսական աճի

Էկոնոմիկայի և բիզնեսի հետազոտությունների կենտրոնը հրատարակել է պետությունների ցանկը՝ համաձայն նրանց տնտեսական ցուցանիշների: Այս մասին տեղեկացնում է Guardian անգլիական պարբերականը:

Համաձայն էկոնոմիկայի և բիզնեսի հետազոտությունների կենտրոնի ցուցակի՝ տնտեսության զարգացման մակարդակով առաջին պետություններն են ԱՄՆ-ն, Չինաստանը, Ճապոնիան, Գերմանիան, Ֆրանսիան: Բրիտանիան այս ցուցակում յոթերորդ տեղն է գրավում՝ առաջ ընթանալով Բրազիլիայից, որին հաջողվել էր անցած տարի առաջ ընթանալ Բրիտանիայից:

Ասիական պետությունները նույնպես տնտեսական աճ են արձանագրել: Այսպես, Ինդոնեզիան վեց աստիճանով առաջ է ընթացել՝ 16-րդ տեղից տեղափոխվելով տասնյակի մեջ: Թաիլանդը նույնպես վեց աստիճանով առաջ է եկել՝ 30-րդ տեղից բարձրանալով 24-րդ տեղ, իսկ Կորեան 15-րդից 12-րդ տեղ է տեղափոխվել:

Հետազոտությունների նախագահ Դուգլաս Մաք Վիլիամսը նշել է, որ Հնդկաստանը կկարողանա առաջ ընթանալ Անգլիայից 2017 թվականին, իսկ 2022 թվականին կլինի չորրորդ պետությունը: Նաև ավելացրել է, որ Ռուսաստանը նույնպես տնտեսական աճ կգրանցի՝ 2022 թվականին դառնալով ութերորդ պետությունը և լինելով Արևմտյան Եվրոպայում տնտեսությամբ ամենազարգացած պետությունը: