«Հրապարակ». Ամանորյա մաղթանքներ հայ ժողովրդին

Ամանորի նախաշեմին «Հրապարակ»-ը փորձեց Վազգեն Մանուկյանից ճշտել՝ ի՞նչ է ուզում իրեն բերի այս Նոր տարին: «Առողջություն՝ թոռներիս, երեխաներիս, ամբողջ ժողովրդին»: Բա հայրենի՞քը: «Եթե հայրենիքի ժողովուրդն առողջ է լինում, հայրենիքն էլ է առողջ լինում»:

Նույն հարցը թերթը տվեց նաև ՏՄՊՊՀ ղեկավար Արտակ Շաբոյանին: «Մեր հայ ժողովրդին՝ բարեկեցություն, առաջընթաց, իմ ընտանիքին էլ՝ խաղաղություն, բալիկներիս էլ՝ առողջություն»: Բա լա՞վ է, որ մենք պանրի միջի ցուպիկն ենք ուտում, մի բան էլ էդ ուղղությամբ մաղթեք գոնե՝ հորդորեց նրան: «Ախր ես ցուպիկի հետ կապ չունեմ: Լավ, մաղթեմ, այս նոր տարում թող լինի մրցակցային խնդիրների բարեհաջող լուծում»:

Արտաշես Գեղամյա՞նն ինչ է կամենում՝ «ա՜խ, էրնեկ էս Նոր տարին». «Ախ, էրնեկ էս Նոր տարին՝ լրագրողներն ու Արմինե Օհանյանը թող «հյուր» լինեն Գեղամյանին»: