Արտակարգ դասընթաց. «Լրատվությունն արտակարգ իրավիճակներում»

2013 թ. հունվարի 17-18-ը ՀՀ ԱԻՆ «Արտակարգ ալիք» լրատվական կենտրոնը Երևանում լրագրողների համար կկազմակերպի «Լրատվությունն արտակարգ իրավիճակներում» թեմայով երկօրյա դասընթաց:

Դասընթացի ավարտին մասնակիցները գիտելիքներ կունենան, թե՝

• ի՞նչ է արտակարգ իրավիճակը, ինչ աղետներ են սպառնում Հայաստանին.

• ինչպե՞ս լուսաբանել արտակարգ իրավիճակները.

• ինչպե՞ս համագործակցել արձագանքող ծառայությունների հետ.

• ի՞նչ պահանջներ են ներկայացնում արտակարգ իրավիճակների լրատվությանը կառավարման մարմինները, լրատվամիջոցներն ու հասարակությունը և ինչ հակասություններ են ծագում նրանց միջև.

• ինչպե՞ս ապահովել սեփական անվտանգությունը.

• ի՞նչ չի կարելի ցույց տալ և գրել.

• ի՞նչ դեր ունի լրատվությունն արտակարգ իրավիճակներից առաջ, դրա ժամանակ և հետո, ռիսկի լրատվություն և ճգնաժամի լրատվություն.

• ի՞նչ է աղետների ռիսկի նվազեցման, Հյոգոյի գործողությունների ծրագիրը, ԱՌՆԱՊ-ը, ԱՌՆ ազգային ռազմավարությունը.

Դասընթացը նախատեսված է տպագիր, հեռուստատեսային և էլեկտրոնային լրատվամիջոցներում աշխատող կամ թղթակցող լրագրողների համար:

Հայտերի ներկայացման վերջնաժամկետը՝ 14.01.2013 թ.-ի մինչև ժամը 18.00: