Խմբակային բռնաբարության զոհ հնդիկ ուսանողուհին մահացել է հիվանդանոցում
Աշխարհ
Հնդիկ ուսանողուհին, ում դեկտեմբերի կեսերին Նյու Դելիի ավտոբուսում բռնաբարել և ծեծի էին ենթարկել 6 հարբած տղամարդ, այս գիշեր մահացել է Սինգապուրի հոսպիտալում. հայտնում է AFP-ն՝ հղում կատարելով նրան բուժող բժիշկներին:
Դաժան բռնաբարության դեպքը Հնդկաստանում զանգվածային ցույցերի ալիք էր առաջ բերել: Հնդկաստանի տարբեր քաղաքներում մարդիկ փողոց էին դուրս եկել՝ պահանջելով մահվան դատապարտել հանցագործների և միջոցներ ձեռք առնել կանանց նկատմամբ բռնություններ,ը կանխելու համար:
Հինգշաբթի օրը աղջկա վիճակը վատացել էր: Նրան ինքնաթիռով Հնդկաստանից տեղափոխել էին Սինգապուր: Վերջին օրերի ընթացքում աղջիկը ենթարկվել էր 3 վիրահատության և ապրում էր թոքերի արհեստական օդափոխանակության շնորհիվ:
Աղմկահարույց միջադեպից հետո Կառավարությունը խոստացել է ուժեղացնել անվտանգության միջոցառումները: Աղջկան բռնաբարած բոլոր 6 տղամարդիկ ձերբակալված են: Դեպքի վայրում հերթապահող ոստիկանները հեռացվել են աշխատանքից: Դատավարությունը կսկսվի հունվարի 3-ին:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
