«Մորթե» ակտիվիստները

Մինչ բնապահպանական, կենդանիների պաշտպանությամբ զբաղվող միջազգային կազմակերպությունները (մերոնց մասին չենք ասում, քանի որ մերոնք այդ հարցում կարծես ուղտի ականջում քնած լինեն), կենդանասերները կատաղի պայքար են մղում կենդանիների սպանդի և բնական մորթու շահագործման դեմ, շատերը, այդ թվում՝ մեր հայտնիները, շարունակում են հագեցնել բնական մորթու իրենց անհագ ծարավը: Քանիցս անդրադարձել ենք այս խնդրին, այս անգամ էլ միևնույն մտահոգությամբ անդրադառնում ենք այն հայտնիներին, որոնց համար շքեղությունն ավելին է, քան կենդանու կյանքը:

Արմինկա
Ոճային երգչուհու համբավ ունեցող Արմինկային հաճախ կարելի է տեսնել մորթյա կիսամուշտակով կամ ժիլետով: «Հագնում եմ բնական մորթի, որովհետև շատ եմ սիրում և մորթի և կաշի: Գիտեմ, որ դա կենդանիների մեծ խնդիր է, կողմ եմ կենդանիների պաշտպանությանը, բայց չեմ կարող ինձ զրկել այդ հաճույքից: Հուսամ՝ կգա մի ժամանակ, որ ես էլ կկարողանամ հրաժարվել բնական մորթուց»,- միաժամանակ «նալին ու մեխին խփելով» հույս հայտնեց երգչուհին: Նա Արամեի մենահամերգին հագած մորթյա կիսամուշտակի վերաբերյալ նաև ասաց.«Այն շատ հայտնի և էքսկլուզիվ նմուշ է.գնել եմ Մայքլ Կորսի հավաքածուից. չնայած բավականին թանկ էր, բայց, կարծում եմ, արհեստական մորթուց է»:

Նելլի
Երգչուհի Նելլին մերշոու-բիզնեսի այն ներկայացուցիչներից է, ում հաճախ կարելի է հանդիպել մորթյա մուշտակով կամ այլ աքսեսուարներով: Նելլին մեզ խոստացել էր, որ այլևս չի գնի բնական մորթուցորևէ իր: Անցած տարի էլ նա իր խոստման համաձայն գնել էր կաշվի և արհեստական մորթու համադրությամբ ձմեռային վերարկու: Երգչուհին հավատացրեց, որ խոստման տերն է (թեպետ բնական կաշվից հագուստ ունենալ՝ նշանակում է խոստումը մասամբ պահել) և անցած տարեվերջին իր զուգերգի տեսահոլովակի նկարահանումներին ներկայացավ արհեստական մորթյա ժիլետով: «Ինչպես խոստացել եմ, բնական մորթուց մուշտակ կամ նման բաներ այլևս չեմ հագնում. ես իմ խոսքիտերն եմ»,- մեկ անգամ ևս շեշտեց երգչուհին:

Արսեն Գրիգորյան (հաղորդավար)

Բնական մորթուց հագուստներին միանգամայն նորմալ վերաբերող դերասան Արսեն Գրիգորյանը խոստովանեց, որ անգամ տեղյակ էլ չէ՝ իր վերարկուի օձիքը բնակա՞ն մորթուց է, թե՞ ոչ: «Եթե չեմ սխալվում, բնական մորթուց միայն մի գլխարկ ունեմ: Նորմալ եմ համարում բնական մորթու օգտագործումը, քանի որ կենդանական աշխարհը ստեղծված է մարդու համար: Մորթու օգտագործումը բնական է նաև այնքանով, որքանով մսի օգտագործումը»,- ասաց դերասան հաղորդավարը: Արսենի խոսքերով՝ գնահատում է գեղեցիկը, սակայն մորթյա որևէ հագուստ գնելիս հաշվի չի առնում՝ այն բնակա՞ն մորթուց է, թե՞ ոչ:

 esyes.am