Մեդալներ ԱԺ նախագահին եւ նախարարներին՝ ՀՀ նախագահի կողմից

Հայաստանի նախագահ Սերժ Սարգսյանը պարգեւատրել է ԱԺ նախագահին եւ կառավարության անդամներին՝ ղեկավարվելով Հայաստանի Հանրապետության Սահմանադրության 55-րդ հոդվածի 16-րդ կետով եւ հիմք ընդունելով «Հայաստանի Հանրապետության պետական պարգեւների մասին» Հայաստանի Հանրապետության օրենքը։ Նախագահը որոշում է կայացրել.

Հայաստանի Հանրապետության պետական կառավարման համակարգում երկարամյա եւ արգասաբեր աշխատանքի, պետական շինարարության գործում ներդրած նշանակալի ավանդի համար պարգեւատրել.

«Հայրենիքին մատուցած ծառայությունների համար» 1-ին աստիճանի մեդալով՝

Հովիկ Արգամի Աբրահամյանին՝ Հայաստանի Հանրապետության Ազգային ժողովի նախագահ,

Տիգրան Սուրենի Սարգսյանին՝ Հայաստանի Հանրապետության վարչապետ,

Արթուր Վահանի Բաղդասարյանին՝ Հայաստանի Հանրապետության ազգային անվտանգության խորհրդի քարտուղար,

Ռադիկ Մարտիրոսի Մարտիրոսյանին՝ Հայաստանի Հանրապետության գիտությունների ազգային ակադեմիայի նախագահ:

«Հայրենիքին մատուցած ծառայությունների համար» 2-րդ աստիճանի մեդալով՝

Արմեն Անդրանիկի Գեւորգյանին՝ Հայաստանի Հանրապետության փոխվարչապետ, Հայաստանի Հանրապետության տարածքային կառավարման նախարար

Էդվարդ Աղվանի Նալբանդյանին՝ Հայաստանի Հանրապետության արտաքին գործերի նախարար,

Արմեն Խիկարի Մովսիսյանին՝ Հայաստանի Հանրապետության էներգետիկայի եւ բնական պաշարների նախարար,

Մարտական ծառայության մեդալով՝

Արմեն Հենրիկի Երիցյանին՝ Հայաստանի Հանրապետության արտակարգ իրավիճակների նախարար,

Անանիա Շիրակացու մեդալով՝

Գագիկ Գուրգենի Խաչատրյանին Հայաստանի Հանրապետության կառավարությանն առընթեր պետական եկամուտների կոմիտեի նախագահ

Մովսես Խորենացու մեդալով՝

Արմեն Գեւորգի Աշոտյանին՝ Հայաստանի Հանրապետության կրթության եւ գիտության նախարար: