2013-ին նորաձև գույները

2012-ի վառ գույներն 2013-ին այդքան էլ նորաձև չեն լինի: Նորաձևության աշխարհն անցել է ավելի հանգիստ և մուգ գույների: Տարբեր ոճաբաններ իրենց ցուցադրություններում աշխարհին են ներկայացրել մուգ երանգներով հագուսներ, բայց հավաքածուների մեջ կան նաև վառ երանգներ ու գույներ:

2013-ի նոր սեզոնը գլխավորում է սև գույնը: Այն զգեստին հատուկ լրջություն և անկրկնելի տեսք է հաղորդում՝ օգնելով քողարկել մարմնի կառուցվածքի թերությունները:

Նարնջագույն- Արևի գույնն է, հագուստին դրական տեսք է հաղորդում:

Կապույտ- Այս տարի նորաձև են կապույտի ավելի մուգ երանգները:

Վարդագույն-մանուշակագույն- Վառ վարդագույնը նախընտրելի է երեկոյան զգեստների համար: Այն գեղեցիկ է նայվում մետաքսե գործվածքների հետ:

Շագանակագույն- Մուգ շագանակագույնը բոլոր ժամանակների մոդայիկ գույնն է: Երանգը տեղ է գտել նաև այս տարվա նորաձև գույների շարքում:

Կարմիր- Վառ կարմիրը չի կարող անտեսվել աղջիկների կողմից: Այս գույնը ևս իր տեղն է գտել հավաքածուների մեջ:

Մոխրագույն-Միշտ ակտուալ է: Սևի համեմատ մոխրագույնի մռայլությունn ավելի քիչ է: Այն հիանալի է նայվում տարբեր գույների հետ:

Դեղին – Սեզոնի ամենապայծառ և արևային գույնն է:

Նշենք նաև որ ամեն տարի դեկտեմբերին դիզայներական գույների ընտրությամբ զբաղվող Pantone ընկերությունը, հայտարարում է իր գունային կանխատեսումը հաջորդ տարվա համար: Այս տարի ընկերությունը հայտարարել է, որ տարվա գույնը կանաչն է, որը կիրառելի է թե´ նորաձևության մեջ, և´թե ինտերիերում: