Ամանորի գիշերն ու հայկական աստղերը (լուսանկարներ)

Նոր տարին, թերեւս, ամենասպասված տոնն է ամբողջ տարվա ընթացքում' նվերներ, սիրելի մարդկանց հետ հանդիպումներ, տոնածառ, շամպայն, համեղ ուտեստներ եւ լավ երաժշտություն: Բայց կան մարդիկ, որոնք ստիպված դեկտեմբերի 31-ին հաճելին համատեղում են օգտակարի հետ, զվարճանքը' աշխատանքի հետ: Եւ խոսքը միայն Ձմեռ պապի եւ Ձյունանուշի մասին չէ, այլեւ շոու բիզնեսի շատ ու շատ ներկայացուցիչների:

NEWS.am STYLE-ի թղթակիցը զանգահարել է հայկական շոու բիզնեսի բազմաիթվ ներկայացուցիչների, եւ նրանց մեծ մասը ասել է, թե Ամանորը պատրաստվում են դիմավորել արտերկրում, կամ էլ տանը' ընտանեկան միջավայրում: Եղան նաեւ այնպիսիք, ովքեր որոշել էին աշխատել Ամանորի գիշերը:

Ճիշտ է նրանցից շատերը իրենց խոստումը չկատարեցին: Օրինակ' DJ Սերժոն, ում մենք մինչեւ առավոտյան 04.30 սպասում էինք White Club-ում, այդպես էլ չհայտնվեց, իսկ «Opera» ակումբում այդ ժամանակ ամանորյա երեկույթին մասնակցում էին շատ այլ աստղեր:

Ամենաճշտապահը «Դորիանս» խմբի մենակատար Գոռն էր, ով ոչ միայն եկել էր ժամանակին, այլեւ White Club-ում հավաքվածներին ուրախացրել է իր ելույթով:

{gallery}564{/gallery}