Վրաստանում բացառել են Սահակաշվիլիին ներում շնորհելու հավանականությունը

Վրաստանի նախագահ Միխեիլ Կավելաշվիլիի առաջարկը՝ ընտրություններին մասնակցելու դիմաց քաղաքական գործիչներին ներում շնորհելու, չի ազդի հանրապետության նախկին նախագահ Միխեիլ Սահակաշվիլիի վրա։ Այս մասին հայտարարել է Վրաստանի խորհրդարանի խոսնակ Շալվա Պապուաշվիլին, հաղորդում է ՌԻԱ Նովոստին։

Օրեր առաջ Կավելաշվիլին հայտարարել էր, որ ներում կշնորհի բանտարկված ընդդիմադիրներին, եթե նրանք մասնակցեն հոկտեմբերին կայանալիք տեղական ինքնակառավարման մարմինների ընտրություններին։

«Իհարկե այս առաջարկը չի վերաբերում Ուկրաինայի քաղաքացիներին», - ասել է Պապուաշվիլին՝ պատասխանելով Սահակաշվիլիի հնարավոր ներման մասին հարցին։