Փաշինյանի հրահանգով ընկերն ընկերոջը դավաճանեց

hraparak.am-ը գրում է․

Ընդդիմադիր պատգամավորներ Սեյրան Օհանյանին եւ Արծվիկ Մինասյանին անձեռնմխելիությունից զրկելու հարցով գաղտնի քվեարկությամբ 59 պատգամավոր քվեարկեց: Անկախներ Հովիկ Աղազարյանը,Հակոբ Ասլանյանը եւ Գեղամ Նազարյանն ընդդիմությանը միացան եւ չմասնակցեցին քվեարկությանը, սակայն ուշագրավ եւ անգամ անհավատալի էր ՀՀԿ-ից ՔՊ-ի շարքերն անցած Շիրակ Թորոսյանի մասնակցությունը: Նա և Արծվիկ Մինասյանը հարևաններ լինելուց բացի մտերիմներ են, սակայն Փաշինյանից վախն այնքան մեծ է, որ ռիսկ չէր արել «հիվանդանալ» եւ չմասնակցել քվեարկությանը: Ընդդիմադիրները չէին հավատում, որ Թորոսյանը մասնակցել է քվեարկությանը: Մենք կապ հաստատեցինք նրա հետ եւ նա հաստատեց իր մասնակցությունը: Վերջինս ասաց, որ նիստի է մասնակցում, երկար խոսել չի կարող: