Թուրքիայում ձերբակալվել է նախկին գեներալ, ով մեղադրվում է հեղափոխություն կազմակերպելու մեջ

Ձերբակալվել է թուրքական բանակի նախկին գեներալ Իսմայիլ Հաքի Քարադային, ով մեղադրվում է 1997 թվականին պետական հեղաշրջում կազմակերպելու մեջ: Այս մասին հաղորդում է Reuters գործակալությունը:

Քարադային 1994-98 թվականներին Թուրքական գենշտաբի ղեկավարն է եղել: 1997 թվականին մի շարք գեներալների հաջողվեց տապալել Նեջմեթին Էրբաքանի իսլամիստական կառավարությունը: Հիշեցնենք, որ Էրբաքանը համարվում է ներկայիս վարչապետ Ռեջեփ Թայիփ Էրդողանի քաղաքական խորհրդատուն և Էրբաքանի նախկին կառավարության շատ անդամներ այժմ ևս Էրդողանի կառավարության մի մասն են կազմում:

2012 թվականի ապրիլին ձերբակալվել էին չորս գեներալներ և մի քանի տասնյակ ապաներ` հեղափոխություն կազմակերպելու մեղադրանքով: Սրան զուգահեռ նաև հետաքննություն է տարվում այն զինվորականների նկատմամբ, ովքեր փորձեցին 2003 թվականին գահազրկել Էրդողանին: 2012 թվականին ձերբակալվել էր նախկին գենշտաբի ղեկավար Իլքար Բաշբուգը, ով մեղադրվում էր համացանցում Թուրքիային հեղինակազրկող նյութեր տեղադրելու մեջ: