Թինա Քեյը շնիկ է նվիրել իր սանին` «Միսս աշխարհ 2011» Ռոզել Ֆեդորովային (լուսանկարներ)

«Միսս Աշխարհ 2011»-ի հաղթող ճանաչված Ռոզել Ֆեդորովան հունվարի 4 ին 10 տարեկան է դառնում: Բազմաթիվ նվերներից նա առանձնացրել է, և յուրահատուկ վերաբերմունք ունի մի շնիկի նկատմանբ, որը նա տացել է իր պարուսույցից՝ օրիգինալ ժանրի պարուհի, կրկեսի թագուհի՝ Թինա Քեյից: Նվերը դասվում է պուդել ցեղատեսակին:

Այս փոքրիկն արդեն իր համար ստեղծել է մի աշխարհ, որտեղ նա իրեն տեսնում է պարի ու գեղեցկության մեջ, որն էլ անմիջականորեն կապված է բեմի հետ:

Այո’, Ռոզելը ծնվել է հենց բեմի համար, դրա մասին վկայում են նրա բազմաթիվ հաղթանակներն ու մրցանակները:

Դեռ 7 տարեկանում, աղջնակը արժանանում է «Միս համակրանք», «Միս նրբագեղություն», «Միս համատիրություն», «Միս Համայնք 2010», «Միս Երևան 2010», «Միս Հայաստան 2010» հաղթողի կոչմանը: Այս ամենը, սակայն, քիչ է համարում Ռոզելը: Նա որոշում է մասնկացել ավելի լուրջ մրցույթների և դուրս է գալիս միջազգային բեմեր:

Փոքրիկը դեռ վաղ հասակից հաճախել է պարի, և միևնույն ժամանակ մոդելի դասընթացներ է ստացել Համաշխարհային Գեղեցկության և Նրաձևության Լիգայի նախագահ՝ Աշոտ Խաչատրյանի մոտ:

8 տարեկանում Ռոզելը որոշում է պարարվեստը շարունակել Թինա Քեյի պարի և կրկեսի ստուդիայում:

Շատ կարճ ժամանակահատվածում նրանց համատեղ աշխատանքը տալիս է սպասելի ու փայլուն արդյունք: Դրա վառ ապացույցը , Թուրքիայի Բոդրում քաղաքում նրա տարած երկու հաղթանակն է՝ «Միս աշխարհ 2011» և «Միս տաղանդ 2011»: Վերջինիս Ռոզելը արժանանում է հենց Թինա Քեյի բեմադրած «Միքս» պարի շնորհիվ: Տաղանդավոր այս աղջիկը հպարտանում է, որ հենց Թինա Քեյի սանն է:

Թվարկված հաջողությունները գրանցելուց հետո Ռոզելին առաջարկում են վարել «Մանկան աչքերով» հաղորդաշարը, իսկ տաղանդավոր ու առանց կոմպլեքսների աղջնակը համաձայնում է:

Ազատ ժամանակ Ռոզելը լեզուներ է ուսումնասիրում, ցանկանում է դառնալ բժշկուհի:

Խելացի ու գեղեցկադեմ այս աջիկը նպատակ ունի աշխարհին ներկայացնել իր գեղեցկությունն ու հմայքը:

Շնորհավորում ենք Ռոզելին ու ցանանում միմիայն հաղթանակներ:

Կարինե Գևորգյան