Թալիբների կողմից վիրավորված պակիստանցի աղջիկը դուրս է գրվել հիվանդանոցից

Պակիստանցի դպրոցական Մալալա Յուուֆզայը, ով թալիբ գրոհայինների կողմից գլխին գնդակ էր ստացել և վիրավորվել այն բանի համար, որ հանդես էր աղջիկների՝ կրթություն ստանալու իրավունքի պաշտպանությամբ, դուրս է գրվել Անգլիայի Բիրմինգհեմի հիվանդանոցից, ուր նա գտնվում էր հոկտեմբերի կեսերից:

Մալալան մնալու է Անգլիայում բժիշկների հսկողության տակ: Նրան դեռևս սպասվում է վերականգնման փուլ անցնել: Ավելի ուշ նա կվերադառնա հիվանդանոց՝ գանգի վիրահատության ենթարկվելու համար: