Վրաստանը 49 տարով անվճար հանձնել է տարածք Ադրբեջանին՝ դեսպանատան համար

Վրաստանի կառավարությունը Ադրբեջանին է հանձնել 69 քմ տարածք Թբիլիսիում՝ նոր դեսպանատան կառուցման նպատակով։ Վարձակալության պայմանագրով տարածքը տրամադրվել է 49 տարով՝ ամբողջությամբ անվճար։ Համապատասխան որոշումը ստորագրվել է վարչապետ Իրակլի Կոբախիձեի կողմից հուլիսի 18-ին։

Այս մասին վրացական մեդիաները հայտնել են որոշ օրեր անց՝ փաստաթղթի հրապարակումից հետո։ Քաղաքական շրջանակներում որոշումը արդեն առաջացրել է քննարկումներ՝ կապված տարածքային փոխհարաբերությունների ու դիվանագիտական հավասարակշռության հարցերի հետ։

Նշենք, որ վերջերս Կոբախիձեն հրապարակել էր նաև տվյալներ՝ Վրաստանում վերջին չորս տարիներին կանխված պետական հեղաշրջման փորձերի վերաբերյալ՝ նշելով դրանց թիվը՝ չորս, հայտնում է Лента.ру-ն։