Գյումրիում ռազմաբազայի 24-ամյա զինծառայողը մահից առաջ պատին գրություն է թողել

Aravot.am-ը գրում է.

Գյումրու Բուլվարային թաղամասի կիսակառույց շենքերից մեկի մոտ երեկ երեկոյան՝ ժամը 20․30-ի սահմաններում, Շիրակի մարզի քրեական ոստիկանության գլխավոր վարչության աշխատակիցները հայտնաբերել էին երիտասարդ տղայի դի՝ ձեռքի հատվածները սուր կտող առարկայով կտրած վիճակում։

Նրանք պարզել էին, որ մահացածը Ռուսաստանի Դաշնության քաղաքացի, 24-ամյա Անտոնենկո Կ․-ն է, որը ծառայում է Գյումրու 102-րդ ռազմաբազայում։

Նախնական վարկածով, երիտասարդը ինքնասպանություն է գործել, թե որն է պատճառը, դեռ անհայտ է։

Ըստ մեր տեղեկությունների, նա ռազմաբազայում կամավոր լքել է զորավարժությունները, իր մահից առաջ էլ կիսաքանդ շենքի պատին իր իսկ արյունով գրել է․ «Դատարկ կյանք է»։