Հայ-ադրբեջանական բանակցություններում միջնորդը Թուրքիան է, որն էլ, մեծ հաշվով, Հայաստանի մասնատման նախագծի հեղինակն է. Արման Աբովյան

Արման Աբովյանը գրում է.

 

Գազայի հատվածում սով է ։

Իսկական սով , մեծահասակները , ծերերը , երեխաները մահանում են:

Արդեն սովից մահացել է ավելի քան ութսուն երեխա։

 

Նույն ճակատագիրն էր սպասում նաև արցախցիներին, երբ Արցախի Հանրապետությունը շրջափակման ենթարկվեց այն վիժվածքների կողմից, որոնց հետ ներկայիս հայկական իշխանությունը "լուրջ դեմքով" խաղաղության բանակցություններ է վարում ։

Բայց հիմա խոսքը դրա մասին չէ ։

 

Խոսքը կրկին այն երևակայողների մասին է, որոնք տարբեր յութուբներից , հեռուստացույցներից, փոդքաստներից խոսում են են այն մասին, թե իբր մեր գլխավոր զենքը "միջազգային իրավունքն" է, և թե իբր "միջազգային իրավունքի" վրա հենվելով ՝ Հայաստանը խաղաղության կհասնի ՝ վիժվածքների ու մարդասպանների հետ կնքելով "խաղաղության պայմանագիր" ։

Պետք է հստակ արձանագրել, որ միջազգային արդարադատությունը և իրավունքը չեն գործում և բոլոր նրանք ովքեր համոզում են մարդկանց ապավինել տարատեսակ միջազգային "թղթերին" ուղղակի ստում են ։

Հարց ...որտեղ է ձեր համաշխարհային հանրությունը, երբ ահսօր Գազայում ռումբերի տակ երեխաներ են մահանում , իսկ նրանք, ովքեր ողջ են մնում, սովից մահանում են ։

Որտեղ էր ձեր միջազգային հանրությունը, երբ ադրբեջանցիները բռնազավթեցին Արցախի տարածքն ու սպանեցին հայ կանանց ու երեխաներին , "ձեռքի հետ" տեսախցիկների առջև կտրեցին հայ պապիկի գլուխը ։

Որտեղ էր ձեր համաշխարհային հանրությունը ?

 

Միայն կատարյալ ապուշը կամ բացահայտ սրիկան կարող է պատմել "միջազգային իրավունքի" ուժի մասին այն պայմաններում, երբ աշխարհում միակ քաղաքական դոմինանտը դա ուժի գործոնն է ։

Իսկ մենք ինչ ենք անում ?

 

Իսկ մենք էշ-էշ ուրախանում ենք երբ թուրք-ադրբեջանական տանդեմի հետ "ուղիղ բանակցություններ" ենք վարում, Ընդ որում, դա անում ենք այնպիսի պաթոսով, կարծես չենք հասկանում, որ միջնորդների ինստիտուտը կտրականապես անընդունելի էր հենց թուրք-ադրբեջանական տանդեմի համար, քանզի այդդ պարագայում ձևավորվում է մեզ համար խիստ անարդար և վտանգավոր բանակցային մթնոլորտ։