Համացանցում է հայտնվել Եգիպտոսի նախագահի անկեղծ տեսազրույցը (տեսանյութ)
Աշխարհ
Եգիպտական ԶԼՄ-ները համացանցում հրապարակել են մի տեսանյութ, որում ներկայիս նախագահ Մուհամմեդ Մուրսին իր անկեղծ կարծիքն է հայտնում Իսրայելի ու հրեաների մասին. գրում է «Էդիոտ Ախրոնոտը»:
Տեսանյությում, որը թվագրված է 2010թ., Մուրսին հարևան ազգին անվանում է «արնախում», «խոզերի ու կապիկների սերունդ» և նկարագրում է նրանց գործողությունները ծայրահեղ վատ գույներով: Նրա խոսքերով` ամեն բանակցություն Իսրայելի հետ ժամանակի ու միջոցների կորուստ է, քանի որ դրանցում իմաստ չկա:
Պաղեստինյան հարցի կարգավորման ուղին Մուրսին տեսնում է դիմակայության մեջ:
«Պաղեստինյան ինքնավարությունը հիմնվել է սիոնիստ թշնամիների ու ամերիկացիների կողմից, և նրա միակ նպատակը Պաղեստինի ժողովրդի կամքին ու հետաքրքրություններին դեմ գնալն է»,-հայտարարել է Եգիպտոսի նախագահը: Վերջինս միաժամանակ գտնում է, որ սիոնիստներին պետք է վռնդել արաբական և մուսուլմանական հողերից, այդ թվում` բոլոր մուսուլման երկրներից, և տեր կանգնել պաղեստինյան հողերին, որոնք պատկանում են միայն ու միայն պաղեստինցիներին: Մինչդեռ, նախագահի պնդմամբ, սիոնիստները հասկանում են միայն ուժի լեզուն:
Չնայած Իսրայելի մասին Մուրսիի նման հայացքներին` ԱՄՆ-ն շարունակում է ֆինանսական և ռազմական օգնություն ցուցաբերել Եգիպտոսին, որի մասշտաբը տարեկան կազմում է 1 միլիարդ դոլարը:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
