Եգիպտոսի ղպտիները վախի մթնոլորտում կնշեն Սուրբ ծնունդը

Եգիպտոսի փոքրամասնություն կազմող ղպտի ուղղափառ եկեղեցին առաջին անգամ կնշի Սուրբ ծնունդը՝ իսլամական օրենքի վախի մթնոլորտում: Այս մասին տեղեկացնում է Agence france press գործակալությունը:

Այմադ Ռամզին նշել է, որ իր հասարակությունը գտնվում է սպառնալիքի տակ ամենամեծ սուննի բնակչություն ունեցող երկրում իսլամիստների կոչերի աճով:

Մուհամմեդ Մուրսիի նոր սահմանադրությունը հավասար իրավուքներ է խոստանում երկրի բոլոր բնակիչներին, սակայն Ռամզին նշել է, որ տարբեր ծայրահեղ իսլամիստական շարժումների հայտարարությունները քրիստոնեաների դեմ անհանգստություն են առաջացնում իր մոտ: Նա հատկապես մատնացույց է արել կրոնական ֆետվան (օրենքը), որով արգելվում է քրիստոնյաներին շնորհավորել սուրբ Ծնունդի առթիվ:

Ֆետվան համացանցում տեղադրված էր «Օրինական իրավունքներ և ռեֆորմներ» անունը կրող հանձնախմբի կողմից, որոնք կապված են սալաֆիական ուղղության հետ: Վերջերս նույն խմբի անդամ Հիշամ ալ Աշրին նշել էր, որ ցանկանում է կրոնափոխել բոլոր քրիստոնյաներին: Այս մասին մեջբերում է կառավարությունից անկախ Al Watan պարբերականը: