Վրաստանը պատրաստվում Է Աբխազիայի բռնի վերադարձին․ Աբխազիայի ԱԳՆ փոխնախարար

Վրաստանը պատրաստվում Է Աբխազիայի բռնի վերադարձին: Այս մասին հայտարարել է Աբխազիայի ԱԳՆ փոխնախարար Ոդիսևս Բիգվավան, գրում է EADaily-ն։

Նա ընդգծել է` Վրաստանի վարչապետ Իրակլի Կոբախիձեի հայտարարությունը, ով մերժում է Աբխազիայի Հանրապետության և Հարավային Օսիայի Հանրապետության հետ ուժի չկիրառման մասին համաձայնագրի ստորագրման հնարավորությունը ապացուցում է՝ Թբիլիսին ուժային սցենարները պահպանում է որպես քաղաքականության գործիք: «Դա հաստատվում է և սահմանամերձ շրջանների ռազմականացմամբ, և Վրաստանի ու ՆԱՏՕ-ի զինված ուժերի կանոնավոր համատեղ վարժանքներով», - նշել է փոխնախարարը։

Վրաստանի վարչապետի կողմից «չհայտարարված զորքերի» հիշատակումը, ըստ Բիգվավայի, երկակի ստանդարտներ են։ Աբխազիայում ռուսական ռազմական օբյեկտները տեղակայված են երկկողմ համաձայնագրերի հիման վրա և պատասխան են Վրաստանի ագրեսիվ քաղաքականությանը: «Ինչ վերաբերում է «միջազգային դիտորդներին», ապա նրանց մուտքը հնարավոր է միայն Թբիլիսիի կողմից Աբխազիայի ինքնիշխանության ճանաչումից և Աբխազիայի մեկուսացման քաղաքականության դադարեցումից հետո», հայտարարել են Սուխումում:

«Կովկասում խաղաղությունն անհնար է առանց Ռուսաստանի միջնորդությամբ Աբխազիայի, Հարավային Օսիայի և Վրաստանի միջև ուղիղ բանակցությունների։ Քանի դեռ Թբիլիսին ժխտում է իրականությունը և անտեսում պատմական դասերը, ոչ մի բանակցություն հեռանկար չի ունենա», - եզրափակել է Բիգվավան։