Պերուում ուղղաթիռ է կործանվել. կա 7 զոհ

Պերուի հյուսիսում ուղղաթիռի կործանման արդյունքում զոհվել է 7 մարդ. փոխանցում է Agence France-Presse-ը:

Տեղի դատախազությունից հայտնում են, որ զոհվածների թվում կա 5 ամերիկացի և Պերուի 2 քաղաքացի: Կործանման պատճառները լրագրողներին չեն հայտնել: Ուղղաթիռի տեսակը նույնպես դեռևս հայտնի չէ:

Միջադեպը տեղի է ունեցել հունվարի 7-ին՝ 23:57-ի սահմաններում Սան Ժուան գյուղի մոտակայքում: Ուղղաթիռը բախվել է արդյունաբերական շենքերից մեկին, վայր ընկել և պայթել:

Ականատեսների վկայությամբ՝ դեռևս օդում ուղղաթիռը մասնատվել է՝ բաժանվելով 2 մասի: