Բարաք Օբաման Սիրիայի ճգնաժամին վերջ տալու համար պետք է դասեր քաղի Կոսովոյից

Սիրիայի ծայրահեղականներին սանձելու համար ԱՄՆ-ն պետք է դասեր քաղի Կոսովոյի պատմությունից: Այս մասին իր հոդվածում նշել է Էնդրյու Բերտը The Christian Science Monitor պարբերականում:

Նա նշել է, որ հազարավոր մարդիկ են մահացել վերջին տարիներին: Քաղացիական հուզումները վերածվել են միջազգային պատերազմների: ԱՄՆ-ն մեծացնում է իր ռազմական ներկայությունը տարածաշրջանում` պատրաստելով և հովանավորելով ապստամբներին: Միաժամանակ Ռուսաստանը դեմ է հանդես գալիս Արևմտյան ուժերի ներթափանցմանն այս տարածաշրջան: Խմբագիրը կարծում է, որ Օբաման մինչ  Սիրիա ռազմական ուժ մտցնելու կամ չմցնելու հարցը քննարկելը պետք է հաշվի առնի պատմական դեպքերը և դասեր քաղի Կոսովոյից:

Խմբագիրը նշել է, որ Կոսովոյում, որտեղ գերակշռում են իսլամիստական տրամադրությունները, իսլամիստները չեն նվաճել իշխանությունը. միակ պատճառը ՆԱՏՕ-ի ուժերի մուտքն էր տարածք: Այսպիսով՝ խմբագիրը խորհուրդ է տալիս Բաշար Ասադին տապալելու և ընդդիմադիր ուժերին օժանդակելու համար երեք ամսով զորք մտցնել Սիրիա: