«Գարեգին Նժդեհ»-ը հունվարի 28-ից մեծ էկրանին (տեսանյութ)

Ռեժիսոր Հրաչ Քեշիշյանի նկարահանած նոր հայկական գեղարվեստական ֆիլմը՝ «Գարեգին Նժդեհ»-ը,  հասարակության մեջ արդեն հետաքրքրության մեծ ալիք է բարձացրել: Շատերին հետաքրքրում էր, թե երբ է մեծ էկրան բարձրանալու այն: 

Ֆիլմի պրեմիերայի օրն արդեն հայտնի է: Այն հնարավոր է դիտել Մոսկվա կինոթատրոնում՝ հունվարի  28-ից:  Իսկ  Երևանի բոլոր կինոթատրոններում կցուցադրվի հունվարի 29-ից: Զորավար Գարեգին Նժդեհին մարմնավորել է դերասան Շանթ Հովհաննիսյանը:

Հիշեցնենք, որ ֆիլմի ռեժիսորը՝ Հրաչ Քեշիշյանը, նշել էր, որ «Գարեգին Նժդեհ» ֆիլմի միջոցով նպատակ ունի կրթելու 21-րդ դարի երիտասարդին, փոխանցել նրան մեծ զորավարի՝ Գարեգին Նժդեհի հայրենասիրությունը: «Ես կարող եմ վստահաբար ասել, որ ֆիլմը նկարահանում եմ որդիներիս համար, որպեսզի նրանք պատկերով տեսնեն, կարդալը քիչ է: Երեխային պետք է դաստիարակել ՝ հիշեցնելով, թե ով ենք մենք»,- ասել է նա: