Շան կծելուց 40 օր անց վիճակը վատացել է, կյшնքը փրկել չի հաջողվել․ մանրամասներ Ակնալիճում երեխшյի մաhվան դեպքից
Հրապարակումներ
News.am-ը գրում է.
Մեծամոր խոշորացված համայնքի Ակնալիճ գյուղում արձանագրվել է 2.5 տարեկան երեխայի մահվան դեպք՝ շան կծելու հետեւանքով առաջացած կատաղություն հիվանդությունից։
«Խելոք երեխա էր։ Շունը հայաթում ա եղել, երեխա ա, կարող է մոտ ա գնացել, կծել էր երեխուն»,– NEWS.am-ի հետ զրույցում պատմել է հարևանուհին։
Դեպքից հետո երեխային կատաղության դեմ չեն պատվաստել։ Հարեւանները պատմում են՝ երեխան հոգատար ծնողներ ունի, պարզապես չեն պատկերացրել, թե ինչ հետեւանքներ կարող է ունենալ շան կծածը։
«5 երեխա ունեն, շատ կոկիկ, լավ ընտանիք են։ Ուշադիր, հոգատար են երեխեքի հանդեպ»,- նշեց հարեւանուհիներից մեկը։
Երեխան հիվանդանոց է տեղափոխվել դեպքից 40 օր անց՝ օգոստոսի 15-ին՝ բարձր ջերմությամբ, դողով ու սարսուռով։ Ախտորոշվել է կատաղություն։
Սուրբ Աստվածամայր ԲԿ վերակենդանացման ծառայության ղեկավար Իգոր Նալչաջյանի խոսքով՝ երեխայի վիճակը գնալով էլ ավելի է վատացել, սկսվել են շնչառական խանգարումներ, սրտի աշխատանքի խանգարում, ինտուբացվել է, միացվել է արհեստական շնչառական սարքին։ Հիվանդանոցում երեխայի մոտ երկու անգամ արձանագրվել է սրտի կանգ։ Երկրորդի ժամանակ բժիշկներին չի հաջողվել փրկել նրա կյանքը։
Մանրամասները՝ սկզբնաղբյուր կայքում
ՈՒՂԻՂ ԵԹԵՐ
Ամենադիտված 
Փաշինյանի դուստրերի լուսանկարները՝ Չինաստանից
