Վրաստանում եվրոպական երկրների կողմից հետախուզվող Ուկրաինայի քաղաքացի է ձերբակալվել

Վրաստանի Ներքին գործերի նախարարության աշխատակիցները Բաթումի քաղաքում ձերբակալել են Ուկրաինայի 36-ամյա քաղաքացու, որին «Ինտերպոլի» միջոցով հետախուզում էին Գերմանիայի և Լեհաստանի կողմից: Այս մասին հայտնել է գերատեսչության մամուլի ծառայությունը։

Նշվում է, որ ուկրաինացին մեղադրվում է տարբեր հանցագործությունների կատարման մեջ, այդ թվում՝ կազմակերպված հանցավոր խումբ ղեկավարելու և միգրանտների անօրինական տեղափոխման մեջ։

Ներկայումս վրաց իրավապահ մարմինները տղամարդու նկատմամբ օրենքով սահմանված նախնական արտահանձնման ընթացակարգեր են իրականացնում։