Հղի Գոհար Հարությունյանի դուստրերն իրենց խաբված են զգում

Գոհար Հարությունյանը հաշված օրերից կմայրանա երրորդ անգամ, իսկ մինչ որդու ծնունդը, հղի գեղեցկուհին ամուսնու եւ դուստրերի՝ Մելինեի ու Բիայնայի հետ վայելում է տոնական օրերը: Նրանք նաեւ ամանորյա գեղեցիկ ֆոտոնկարահանում են իրականացրել:

«Երեխաներն ավելի շատ տարված էին իրենց նվերներով, ոչ թե լուսանկարվելով: Նկարահանումն իրենց համար անցանկալի ու դժվար էր, բայց տոնական լուսանկարներ ունենալու համար ստիպված էինք մի փոքր տանջել նրանց:): Շատ նվերներ չէին ուզել, նույնիսկ փոքր աղջիկս հստակ չէր ասել՝ ինչ է ուզում. նրանք այդքան մեծ սպասումներ չունեին, ի տարբերություն իմ սերնդի, որ ավելի շատ բան էինք ակնկալում Ձմեռ պապիկից», - BRAVO.am-ին պատմել է գեղեցկուհին:

Ինչպես Գոհարն է նշել, իր դուստրերը սպասում են գլխավոր «նվերին»՝ իրենց եղբոր ծննդին:).«Ասել էի, որ Ձմեռ պապն է բերելու, բայց Նոր տարին եկավ, ապերիկը դեռ չի ծնվել: Առայժմ իրենց խաբված են զգում, բայց ամեն ինչ առջեւում է:)»:

Նրա փոխանցմամբ, երբ Ձմեռ պապն այցելել է իր փոքրիկներին, սկզբում նրանք զարմացել ու վախեցել են. «Երեխաները քաշվում էին նրա ներկայությունից, զարմացած նայում էին. երեւի Ձմեռ պապն իր դիմահարդարումը «Հելոուինին» բնորոշ կերպարանափոխման հետ էր շփոթել:): Հետո, իհարկե, նվերները ստանալու համար արտասանեցին, «Ջինգլ Բելզ» երգեցին, նաեւ պարեցին»:

Գոհար Հարությունյանը նաեւ պատմել է, որ Մելինեի եւ Բիայնայի համար Նոր տարվա օրերին հետաքրքիր զբաղմունք է տոնածառի խաղալիքների տեղափոխությունը. «Չկոտրվող խաղալիքներ են, բայց մի քանի խաղալիք կա, որ թույլ չեմ տալիս, իրենք գիտեն եւ անպայման դրանք են ուզում վերցնել: Սիրում են ամեն ինչին ձեռք տալ եւ ուսումնասիրել, չենք արգելում, առանց այդ էլ արգելելու շատ բաներ կան, փորձում ենք հնարավորինս քիչ արգելքներ դնել»:

«Միսս Հայաստան 1998», «Միսս ԱՊՀ 1999» եւ «Mrs. Globe 2009» մրցույթների հաղթող գեղեցկուհին տոնական այս օրերին ոչ միայն տանը հյուրընկալել է իր մտերիմներին, այլեւ հյուր է գնացել ու ընտանիքի հետ հայկական ավանդական Նոր տարի նշել. «Եթե հղիությունս չլիներ, որեւէ տեղ կմեկնեինք: Անցյալ տարի հենց Ամանորին ենք տեղափոխվել մեր նոր տուն ու կրկին Երեւանում ենք անցկացրել տոները»:

{gallery}328{/gallery}