5 մլն դոլար ծննդյան վկայականի դիմաց

Ամերիկացի հաղորդավար և միլիարդատեր Դոնալդ Թրամփն ուղարկել է իր ծննդյան վկայականը հայտնի կատակերգու Բիլ Մարին՝ ապացուցելու, որ ինքը օրանգգուտանգի որդի չէ: Այս մասին տեղեկացնում է Itar-tass ռուսական պարբերականը:

Թրամփն իր ծննդյան վկայականն ուղարկել է հայտնի կատակերգու Բիլ Մարին, ով խոստացել էր 5 մլն դոլար բարեգործական նպատակով, եթե Թրամփն ապացուցի, որ ինքն «օրանգգուտանի որդի չէ»:

Մարը այսպիսի հայտարություն կատարել էր երկուշաբթի օրը «Երեկոն Ջե Լենոյի հետ» հաղորդման ժամանակ, որով նմանակում էր Youtube ցանցում Թրամփի կողմից տեղադրված հայտարարությանը, համաձայն որի՝ միլիարդատերը պատրաստ էր 5 մլն դոլար բարեգործություն կատարեր, եթե ԱՄՆ-ի նախագահ Բարաք Օբաման իրեն տրամադրի անձնական փաստաթղթեր: 

Մինչ այդ Թրամփը հանդես էր եկել հայտարարություններով` պահանջելով Բարաք Օբամայից ներկայացնել իր ծննդյան վկայականը և ապացուցել, որ ինքն ամերիկացի է և իրավունք ունի լինել ԱՄՆ-ի նախագահ: