Բեյոնսեն կերգի Օբամայի համար

Հանրահայտ երգչուհի Բեյոնսեն կկատարի ԱՄՆ-ի հիմնը՝ The Star-Spangled Banner-ը, Բարաք Օբամայի երդման արարողության ժամանակ: Արարողությունը կկայանա հունվարի 21-ին: Միջոցառմանը նաև ելույթ կունենան Քելի Քլերքսոնը և Ջեյմս Թեյլորը:

Նշենք, որ Բեյոնսեն վաղուց էր աջակցում վերընտրված նախագահին: Նա իր ամուսնու՝ Ջեյ-Զիի հետ մասնակցում էր 2012 թվականի նախագահական քարոզարշավին:

Օբամայի վերընտրությունից հետո երգչուհին արդեն ելույթ է ունեցել նրա պատվին: Այդ ելույթի ժամանակ նա կատարեց At Last ստեղծագործությունը՝ հենց այն երգը, որի ներքո նախագահը և իր կինը ՝ Միշելը, պարել էին իրենց առաջին պարը, հայտնում է cosmo.ru-ն: