Նորո. «2012-ին Աստված ինձ բալիկ պարգեւեց»

BRAVO.am-ը դեռ 2010-ին պատմել է, որ սերը Նորոյին Միացյալ Նահանգներ տարավ, որտեղ էլ ընտանիքի հետ նա բնակվում է արդեն երեք տարի: 2012-ին երգչի կյանքում հիշարժան մի շարք իրադարձություններ են կատարվել, որոնք իր հետ Նորոն բերել է նոր տարի:

Ապրում եմ ծնողներիս, կնոջս՝ Արմինայի ու փոքրիկ հրաշքիս՝ Տիգրանի հետ:

Չեմ դադարում ստեղծագործել: Այժմ աշխատում եմ «Bouvardia» ռեստորանում, որտեղ երգում է նաեւ Շպռօտը:

Այս ամիս Շուշան Պետրոսյանի հետ դուետ կներկայացնենք, հետո արդեն լույս կտեսնի նոր ձայնասկավառակս:

Ցավոք, Նոր տարին տանը չեմ դիմավորել. տարեմուտի գիշերը Mister X-ի հետ երգել ենք ռեստորանում:

Նոր տարին ինձ համար շատ կարեւոր տոն է. ամփոփում եմ անցած տարին, ձեռքբերումներս, հաջողություններս եւ սպասում ամանորյա հրաշքների… Միայն պետք է լավատես լինել:

Այս տարի բնական եղեւնի ենք զարդարել: Փորձում ենք հնարավորինս պահպանել ավանդույթները, հայկական ավանդական սեղան ենք դնում եւ այլն: Այդ ամենի մասին հոգում է մայրս:

Զբաղվածության պատճառով նվերներ չեմ հասցնում գնել. գումարը տվել եմ կնոջս, որն էլ զբաղվել է այդ հարցով:):

Ամանորյա բլինչիկն եմ շատ սիրում: Նաեւ հաճելի է լավ մարդկանց շրջապատում դիմավորել Նոր տարին:

2012-ն ինձ համար շատ լավ տարի էր. Աստված ինձ բալիկ պարգեւեց, ունեցա սիրած աշխատանք եւ ստացա «Գրին քարտ»՝ 10-ը տարով: Բոլորն էլ հետս տանում եմ 2013:):

Իմ ազգին միայն առողջություն եմ մաղթում:

Շատ եմ կարոտել Հայաստանի ջերմությունը. օտարության մեջ հայկական ամեն բան կարոտում եմ:

Առաջ Աստված, ուզում եմ ապրիլին մեկ ամսով գալ Հայաստան՝ կարոտս առնելու: