«ՀԺ». Ներման դիմումներ Սերժ Սարգսյանին. ներման հույս՝ ընտրություններից առաջ

«ՀԺ»-ի թղթակիցը փորձել է պարզել, արդյոք առաջիկայում ՀՀ նախագահին առընթեր ներման հարցերի հանձնաժողովի նիստ սպասվո՞ւմ է, թե՝ ոչ: «Ձեր հարցին ի պատասխան տեղեկացնում ենք, որ ՀՀ նախագահին առընթեր ներման հարցերի հանձնաժողովի գործունեությունը, այդ թվում՝ նիստերի հրավիրումը և անցկացումը կարգավորվում է «Դատապարտյալների ներման խնդրագրերը քննարկելու կարգը հաստատելու մասին» ՀՀ նախագահի հրամանագրով»,- պատասխանել են նախագահի աշխատակազմի հասարակայնության և տեղեկատվության միջոցների հետ կապերի վարչությունից: Ամեն պահի Սերժ Սարգսյանը կարող է նման հրամանագիր ստորագրել:

Հիշեցնենք, որ այս ընթացքում բազմաթիվ դատապարտյալներ, նաև նախկին պաշտոնյաներ, ներման դիմումներ են գրել Սարգսյանին, հույսով, որ նախագահական ընտրություններից առաջ նա իրենց ներում կշնորհի: