Չավեսի կողմնակիցները ցույց են կազմակերպել նրա չկայացած երդմնակալության օրը

Վենեսուելայի մայրաքաղաք Կարակասում հունվարի 10-ին երկրի նախագահ Ուգո Չավեսի կողմնակիցները ցույց են կազմակերպել՝ ի աջակցություն նախագահի:

Ինչպես հայտնում է AFP-ն, ցույցին մասնակցել է ավելի քան 10 հազար մարդ:

Բազմահազարանոց ցույցը տեղի է ունեցել նախագահական նստավայրի մոտ: Ամբոխը Չավեսին աջակցող լոզունգներ է վանկարկել, ինչպես նաև բողոքներ հնչեցրել Չավեսի ընդդիմադիրների հասցեին:

Ցույցը նվիրված էր հունվարի 10-ին նշանակված, բայց Չավեսի հիվանդության պատճառով չկայացած երդմնակալության արարողության օրվան: