Ամերիկյան ատոմային սուզանավը վթարի է ենթարկվել Պարսից ծոցում

Ամերիկյան ատոմային սուզանավը Պարսից ծոցում բախվել է ձկնորսական նավի հետ: Միջադեպը տեղի է ունեցել Օրմուզի նեղուցից ոչ շատ հեռու. հայտնում է Reuters-ը՝ հղում կատարեկով ԱՄՆ-ի ռազմածովային նավատորմին:

Միջադեպի արդյունքում տուժածներ չկան, սակայն վնասվել է սուզանավը: Հայտարարության մեջ հատուկ նշված է, որ «Ջեկսոնվիլ» սուզանավի ռեակտորի հետ ամեն ինչ կարգին է: Տուժել է արդյոք ձկնորսական նավը, չի հաղորդվում:

Հայտնի չէ նաև, թե որ պետությանն է պատկանում այդ նավը: