Իմ հայրենասեր ծնողը, ով ունենալով առողջական խնդիրներ, ստանում է դաժան պատիժ իր ընտանիքից այսքան հեռու. քաղբանտարկյալ Տիգրան Գալստյանի դստեր գրառումը
Հրապարակումներ
Քաղբանտարկյալ Տիգրան Գալստյանի դուստր Էմմա Գալստյանը նամակ է գրել, որը ներկայացնում ենք ստորև․
Սեպտեմբերի 2-ին լրացավ իմ 16 ամյակը։ Արցախի անկախության օրը ես երբեք չէի պատկերացնի, որ միակ երազանքս կլիներ հայրիկիս նորից ազատության մեջ տեսնելը։
Վատ երազում էլ չէի պատկերացնի՝ նման վիճակում կհայտնվի ընտանիքս։ Հայրս, ումով հպարտանում եմ քուն թե արթուն, հայտնվել է նույն կարգավիճակում, որում իրական հանցագործություն գործած մարդիկ են արժանանում: Շուրջ երեք ամիս իմ հայրը կալանավորված է: Իմ հայրենասեր ծնողը, ով ունենալով առողջական խնդիրներ, ստանում է կալանք-դաժան պատիժ իր ընտանիքից այսքան հեռու:
Ինձ միշտ թվացել է՝ մեր երկիրը արդար է, միշտ ծնողներիցս սովորել եմ սիրել իմ հայրենիքը, ոչ մի հանգամանքներում չմտածել այն լքելու մասին։
Այսօր այն հայրենիքը, որը ուզում եմ անձնապես զարգացնել, կալանավորում է
իրեն առավել շատ սիրող մարդկանց: Մեր տան փոքրիկի մեկ տարեկանը առանց հայր նշվեց, քույրիկիս 15 ամյակը և իմ 16-րդ տարեդարձը նույնպես:
Լինելով Տիգրանի ավագ դուստրը՝ ուզում եմ, որ բոլորը իմանան՝ հայրս արդար է, հայրս ազնիվ է, հայրս պաշտում է իր հայրենիքը, հայրս ԱՊՕՐԻՆԻ ԿԱԼԱՆԱՎՈՐՎԱԾ Է։ Հայրիկիս տեղը կարող էր լինել ուրիշ երեխաների հայր, յուրաքանչյուր հայրենասեր մարդ ով չմնաց մի կողմում երբ քանդվում էր իր պետությունը:
Էմմա Գալստյան
Քաղբանտարկյալ Տիգրան Գալստյանի դուստր
ՈՒՂԻՂ ԵԹԵՐ
Ամենադիտված 
Նազենի Հովհաննիսյանը՝ գեղեցիկ կարգավիճակում (տեսանյութ)
