Քաղաքական սկանդալ Ադրբեջանում

«Ադրբեջանի նախկին պատգամավոր Գյուլար Ահմեդովան, ով մեղադրվում է մասնավոր սեփականության յուրացման համար, գտնվում է ոստիկանության հսկողության տակ». այդ մասին հայտնել է գլխավոր դատախազության մամլո ծառայության պետ Էլդար Սուլթանովը. տեղեկացնում է Кавказский Узел պարբերականը:

2012 թվականի սեպտեմբերի 25-ին Youtube ցանցում տեղադրվել էր 2010 թվականին փակված Ադրբեջանի միջազգային հարաբերություններ համալսարանի նախկին ռեկտոր Էլշադ Աբդուլաևի և Ադրբեջանի նախկին պատգամավոր Գուլար Ահմեդովայի զրույցը, որում նշվում է կաշառակերության չափի մասին, որը պետք է վճարեր Աբդուլաևը Ադրբեջանի խորհրդարանի (մելի մեջլիս) պատգամավոր ընտրվելու համար:Հոլովակի մեջ նշվում է, որ մելի մեջլիսում տեղ գտնելու համար Ահմեդովան Աբդուլաևին պետք է տրամադրի 1մլն մանեթ, որը հավասար է 1 մլն 270 հազար դոլարի:

2012 թվականի սեպտեմբերի 28-ին Ահմեդովան հրաժարվեց պատգամավորական մանդատից և ցանկություն հայտնեց օժանդակել հետաքննությանը: Միևնույն ժամանակ, նա դուրս եկավ նաև իշխող «Ենի Ադրբեջան» («Երիտասարդ Ադրբեջան») կուսակցության շարքերից: