FINNAIR-ը ճանաչվել է աշխարհի ամենաապահով ավիաընկերություն

JET AIRLINE CRASH DATA EVALUATION CENTER ինֆորմացիոն կենտրոնի տարեկան վարկանշային աղյուսակում ֆիննական FINNAIR ավիաընկերությունը ճանաչել է աշխարհի ամենաապահով ավիաընկերություն:

Վարկանշային աղյուսակը կազմելիս հաշվի են առնվել ընկերության վթարների ցուցանիշը, ինչպես նաև մեկ ուղևորից և ամեն մի կիլոմետրից ստացած շահույթը:  

Բացի այդ, լավագույն տասնյակում են հայտնվել այնպիսի խոշոր ավիափոխադրողներ, ինչպիսիք են Air New Zealand, Cathay Pacific – Air France, Emirates Airlines, Etihad Airways, Eva Air, TAP Portugal, Hainan Airlines, Virgin Australia և British Airways:

Ինչ վերաբերում է եվրոպական այլ փոխադրողներին, ապա Lufthansa ընկերությունը զբաղեցնում է 11, իսկ Virgin Atlantic ընկերությունը 15-րդ հորիզոնականներում: Air Berlin-ը հայտնվել է 23-րդ հորիզոնականում, Ryanair–ը՝ 32-րդ հորիզոնականում:

Իսկ ահա ռուսական «Аэрофлот» ավիաընկերությունը զբաղեցրել է 39-րդ հորիզոնականը՝ առաջ անցնելով ֆրանսիական Air France-ից, որին բաժին է հասել 41-րդ հորիզոնականը. հաղորդում է Air Journal-ը: