Վրաստանի ՆԳՆ-ն 230 հազար ԱՄՆ դոլար է ծախսել նոր Mercedes-ի վրա

Վրաստանի ներքին գործերի նախարարությունը ձեռք է բերել Mercedes-AMG GT S մոդելի ավտոմեքենա։ Ինչպես հաղորդում է Ateo Breaking Telegram-ալիքը, գնումի արժեքը կազմել է 230 հազար դոլար՝ շուրջ 19,2 միլիոն ռուբլի։

Այս քայլը հանրային լայն քննարկման պատճառ է դարձել, քանի որ խոսքը պետական բյուջեի միջոցների մասին է։ Mercedes-AMG GT S-ը համարվում է բարձրակարգ սպորտային ավտոմեքենա, որը հիմնականում օգտագործվում է ոչ թե ծառայողական, այլ էլիտար նպատակներով։

Նշենք, որ վերջերս Վրաստանի նախկին նախագահ Սալոմե Զուրաբիշվիլին Foreign Policy-ին տված հարցազրույցում հայտարարել էր, թե Արևմուտքը կորցնում է Վրաստանը Ռուսաստանի օգտին։ Նրա խոսքով՝ ԱՄՆ-ը վերջին երեք տասնամյակներում ներդրումներ է կատարել երկրում ոչ միայն վրացիներին հաճոյանալու համար։