Ջոն Ստյուարտը ծաղրել է Թրամփին «Աբրբեջանի և Ալբանիայի» միջև պատերազմի ավարտի կապակցությամբ

Ամերիկացի հեռուստահաղորդավար և կատակերգու Ջոն Ստյուարտը անդրադարձել է ԱՄՆ նախագահ Դոնալդ Թրամփի լեզվի սայթաքմանը՝ կապված «Հայաստանի և Ադրբեջանի միջև պատերազմի ավարտի» հետ։

Մեծ Բրիտանիա կատարած այցի ժամանակ Թրամփը երկրի քաղաքական առաջնորդների հետ հանդիպման ժամանակ պնդել է, որ ԱՄՆ-ն օգնել է ավարտել «Աբրբեջանի և Ալբանիայի» միջև պատերազմը։

«The Daily Show»-ում Ստյուարտը չի կարողացել անտեսել այս լեզվի սայթաքումը։ Ստյուարտը խոստովանել է, որ «մշակութային սխալ» է թույլ տվել և երկիրն արտաբերել է «Ադրբեջան», մինչդեռ, իր կարծիքով, «Աբրբեջան»-ն ավելի ճիշտ կլիներ։ «Իսկ Հայաստանն իրականում արտաբերվել է Ալբանիա», - նշել է Ստյուարտը՝ քարտեզի վրա ցույց տալով, որ երկու երկրները բոլորովին տարբեր են։ «Ես զղջում եմ իմ սխալի համար։ Թրամփը վերջ դրեց Աբրբեջանի և Ալբանիայի միջև պատերազմին», - նկատել է նա հանդիսատեսի բարձր ծիծաղի ներքո։