«Դուք լավ գիտեք, որ ես գրեթե գումար չունեմ, նույնիսկ բնակարան չունեմ». Սաակաշվիլի

Վրաստանի նախկին նախագահ Միխեիլ Սաակաշվիլին Facebook-ի իր էջում հայտնել է, որ չունի ոչ բնակարան, ոչ էլ ֆինանսական միջոցներ։ Այդ հայտարարությամբ նա դիմել է դատարանին, որը նախկինում նրան դատապարտել էր իշխանավարման տարիներին պետական միջոցների վատնման համար։

«Դուք լավ գիտեք, որ ես գրեթե գումար չունեմ։ Վրաստանում, որը ես նորից կառուցեցի, նույնիսկ բնակարան չունեմ։ Այժմ ես զրկված եմ ազատությունից, բայց դուք և ձեր տերը լավ գիտեք, որ ես հաջողակ եմ, իսկ դուք՝ լրիվ անհաջողակներ»,— գրել է Սաակաշվիլին՝ նկատի ունենալով իշխող «Վրացական երազանք» կուսակցության հիմնադիր Բիձինա Իվանիշվիլին։

Հիշեցնենք, որ Թբիլիսիի քաղաքային դատարանը Վրաստանի նախկին նախագահ Միխաիլ Սաակաշվիլիին և նրա անվտանգության նախկին պետ Թեյմուրազ Ջանաշիային պարտավորեցրել է պետ​​բյուջե վճարել 3,3 միլիոն դոլար՝ Սաակաշվիլիի նախագահության ժամանակահատվածում կատարված հափշտակությունների համար։