Վենեսուելայի վարչապետը ժամանել է Կուբա՝ Չավեսին տեսակցելու. Չավեսը չի մահացել

Վենեսուելայի վարչապետ Նիկոլաս Մադուրոն ուրբաթ երեկոյան ժամանել է Կուբա: Այդ մասին հայտնում են տեղի լրատվամիջոցները:

Հավանա թռիչքից առաջ Մադուրոն հայտարարել է, որ կղզում կհանդիպի Չավեսի ընտանիքի և նրան բուժող բժիշկների հետ: Բացի այդ, նա պատրաստվում է այցելել հենց Վենեսուելայի նախագահին, ով բարդ վիրահատությունից հետո վերականգնվում է, որպեսզի պատմի նրան այն մասին, որ հարավամերիկյան պետության ժողովուրդը «կառուցում է հեղափոխությունը համարձակ կերպով, կարգ ու կանոնով և ոգևորությամբ»:

Հիշեցնենք, որ 2012 թվականի դեկտեմբերի 11-ին Վենեսուելայի նախագահը Հավանայում հերթական վիրահատական միջամտությունն է տարել՝ կապված ավելի վաղ հայտնաբերված քաղցկեղի հետ: Հայտնի է, որ երկարատև վիրահատությունն անցել է բարդություններով, և վերջին տեղեկությունների համաձայն՝ Վենեսուելայի 58-ամյա առաջնորդն այս պահի դրությամբ պայքարում է թթվածնային ամբավարարվածության դեմ: Ավելի վաղ՝ ուրբաթ օրը, Հավանա էր ժամանել նաև Արգենտինայի նախագահ Կրիստինա Կիրշները՝ Չավեսին տեսակցելու նպատակով: Բացի նրանից՝ Կուբայի մայրաքաղաքում է գտնվում նաև Պերուի առաջնորդ Օլյանտա Ումալան: Ումալան Վենեսուելայի առաջնորդին մաղթել է շուտափույթ ապաքինում:

Հիշեցնենք, որ ավելի վաղ հայկական լրատվական կայքերից մեկը, արաբական Ad-Dounia հեռուստաալիքին հղում կատարելով, Ուգո Չավեսի մահվան մասին տեղեկատվություն էր տարածել, որը, ինչպես ավելի ուշ պարզվեց, չի համապատասխանում իրականությանը: