Մաշտոցի պողոտա և Խորենացի փողոցի խաչմերուկում բախվել են մեքենանար․ կա տուժած

Այսօր՝ հոկտեմբերի 1-ին, ավտովթար է տեղի ունեցել Երևանում։ Ժամը 13։00-ի սահմաններում Մաշտոցի պողոտա և Խորենացի փողոցի խաչմերուկում բախվել են «Mercedes» մակնիշի և «Volkswagen» մակնիշի ավտոմեքենաները։ Այս մասին հայտնում է shamshyan.com–ը։

Վթարի հետևանքով 1 հոգի տեղափոխվել է Հերացի Թիվ 1 համալսարանական հիվանդանոց։

Վթարի փաստով քննչական բաժնում նախաձեռնվել է քրեական վարույթ, որտեղ էլ պարզվում է վարորդների և վիրավորի ինքնությունը: